شرح لمبات التابلوه

Last 4 Years Ago

شرح لمبات التابلوه

وظيفتها بتنور لو بطارية العربية او الدينامو او دايرة الشحن فيها اي مشكلة

مخاطر اللمبة دي بتبوظ البطارية او تقلل كتير من عمرها الافتراضي

ممكن يكون معناها ان البطارية ضعيفة او ان البطارية مش بتشحن نتيجة وجود خلل او عيب في الدينامو او دايرة الشحن

اللمبة دي كمان موجودة تقريبا في كل العربيات 

بتنور اللمبة دي لو زيت العربية المعدل بتاعه اقل من اللازم..لدرجة تمثل خطورة علي الموتور.

وده بيكون بسبب ان في تسريب زيت بسبب طبة كارتيرة او اي عيب تاني.. او ان العربية تكون بتاكل زيت نتيجة ان الموتور خفيف و داخل علي عمرة..

و ممكن تكون دليل علي ان طلمبة الزيت مش بتعمل بكفاءة..

مخاطر اللمبة دي: ممكن يكون في خطورة علي موتور العربية انه يقفش لا قدر الله.. و في الحالة دي علي طول فيها عمرة..او تغيير بساتم..

موجودة في العربيات الحديثة نسبيا يعني التمانينات و التسعينات..

وفي سنة 1981 بقت حاجة اساسية في اي عربية تنزل السوق في امريكا.. و بدأت تنتشر من ساعتها..

اللمبة دي بقي بتنور امتي..

العربيات اللي فيها اللمبة دي بيبقي فيها كونتول يونيت.. ECU ووظيفة الوحدة دي التحكم و متابعه كل اجزاء العربية الاليكترونية..

حساسات بقي و الحاجات دي.. و دي بصراحة انا مش فاهم فيها قوي..و مش هاعرف اقول عنها كتير..

و الحساسات بقي كتير.. زي حساس الهوا و حساس السرعة و حساس الشكمان.. و حساسات كتير و ما اكترها في موديلات العربيات الجديدة و المواتير المعقدة..

عادة اللمبة دي بتنورمعني كده ان في احد الحساسات فيه مشلكة..

كحاطر اللمبة دي:: ان العربية لو فيها مشكلة و انا مشيت بيها و هي كده..(ده لو المشكلة مسببتش ان العربية تقف كلية و متدورش اصلا..)

ان العربية ممكن يحصل فيها مشاكل كبيرة..

عادة لما الكومبيوتر بتاع العربية بيحس ان في سنسور مش شغال او مش بيبعت الاشارة المتوقعه منه.. بيبعت اشارة للمبة دي انها تشتغل.. و بيسجل عنده الكرد بتاع المشكلة دي..

و ببساطة.. كل كود بيسجل بيبقي في كتالوج العربية دليل علي مشكلة معينة.. و ده بصراحة اختراع في منتهي الفايدة..

نعمل ايه لما اللمبة دي نشوفها منورة في التابلوه عندنا..؟؟

نتوجه بسرعة و من غير ما نمشي بالعربية كتير لأقرب مركز خدمه عنده الجهاز اللي بيوصل علي كومبيوتر العربية,, (في ناس بتسميه سكانر)

و تقرا كود المشكلة.. و تعرف سببها و تصلحها في اقرب وقت..

اللمبة دي بقي يا جماعه بتاعت نظام اسمه Skidding Road او الطرق الزلقة.. المزحلقة يعني..

و بنشغل النظام ده لما تكون بتطلع في ارض فيها مية او زيت او تلج او رمل ناعم قوي.. و ده بيقلل عزم العربية في الطلوع عشان العجل ميلفش في الفاضي و كمان العربية متنحرفش و تلف منك و تغير اتجاهاتها..

االلمبة دي بقي بتنور في حالة واحده بس.. ان العربية وصلت لمرحلة الاوفر هيت.. يعني الحرارة وصلت لمرحلة الخطر..

و في الحال دي الواحد لازم يقف تماما و يبطل العربية و تكشف علي المية و الزيت.. و مبتحركش الا لو العربية بردت و نزلت عن المستوي ده..

اسباب ان اللمبة تنزر: ممكن يكون مستوي المياة في الردياتير قليل.. او في تسريب فيه..

او يكون مستوي الزيت في الموتور قليل.. لو العربية بتاكل زيت او بيسرب.. او يكون الزيت نفسه بقي وحش و فقد خواص التبريد و التزييت بتاعته و محتاج يتغير..

المخاطر: لا قدر الله ممكن الموتور يقفش او اجزاء منه جوة تتكسر نتيجة التمدد الجامد من الحرارة..

ودي لا قدر الله فيها عمرة من غير جدال.. او علي احسن الفروض ان جوان وش السلندر يضرب

اللمبة دي بتنور لما تكون فرامل اليد مرفوعه..تنبيه يعني ان الواحد ميتحركش و هي كده

  ومخاطرها لو نسيت فرامل اليد مرفوعه ومشيت بيها تسبب ريحة شياط و سخونة الطنابير و ضعف سحب السيارة و تأكل في التيل الخلفي..