مميزات و عيوب لانسر شارك و رأي مشاهير التقيم

Last 2 Years Ago

مميزات و عيوب لانسر شارك و رأي مشاهير التقيم

1
0

سنتناول ملخص عيوب و مميزات سيارة لانسرشارك حتي يتمكن المشتري من تحديد اذا كانت السيارة مناسبه ام لا

- مع الاخذ بالاعتبار ان ما قد يبدو عيب بالنسبه اليك قد يبدو ميزه لشخص اخر او عيب غير مؤثر...

نبدأ بالمميزات: 

- السيارة مرتفعه عن الارض بشكل كافي لتجنب الاحتكاك بالمطبات

- قليلة الاعطال و غير معقده في الميكانيكا و الصيانة.

-ﺍﺳﺘﻬﻼﻙ ﺍﻟﺒﻨﺰﻳﻦ ﺟﻴﺪ


- صالون واسع

-تكيف ممتاز جدا (يعيبه فقط اماكن التهويه بالنسبه للسائق - خلف الدركسيون)  لكن ادائه بشكل عام ممتاز

-قطع غيار متوفرة في الجديد والاستيراد.

- أداء الفرامل جيد جدا خصوصا مع وجود ABS يعتبر فوق المتوسط مقارنه بالسيارات الاخري

- ميزه مش مهمه للدرجه ... وهي أداء مساحات الزجاج و برمجة نظام المساحات للامطار ممتاز اكتر من معظم السيارات

- ثبات ممتاز في الطرق المستقيمه و متوسط في المناورة ..

- أضاءة الفوانيس الامامية ممتازة سواء العاديه او الزينون.


ثانيا العيوب :

- السحب بطي نسبيا حتى سرعة 40 - 60 وبيتحسن بعد ال 60 وده بيرجع لان الفتيس قديم 4 غيار فقط ..

- بتحس بنقلات الفتيس بشكل متوسط زى معظم العربيات الاوتو 4 غيار


- عزل سئ داخل الكابينه بتسمع صوت الشارع و الكاوتش و الماتور بنسبه .. بس مش بدرجه كبيره ... البعض بيحب الصوت الماتور ده ..

- مساحة الشنطه صغيره 348 لتر - خصوصا مدخل الشنطه - وارتفاعها الداخلي وليها حل بتغير الاستبن بالاستبن الصغير وبتستغني عن الفوم ال اسفل الفرش

- الكاوتش الدانلوب ال بينزل معها ناشف الى حد ما...بيديك احساس ان السيارة ناشفه في المشي

- الباور جيد لكن اتقل شويه من الكوري - لو كنت راكب كوري قبلها هتحس بفرق ملحوظ 

- خامات التابلوه مش افضل حاجة في ناس  كتير انتقدت الجزء ده فيها على الجروبات

- الساوند سيستم ضعيف لازم تغير الكاسيت علشان تحس ان الصوت مقبول

- فقيرة في الاوبشنز بشكل عام
 
 
 
 

 رأيك يهمنا برجاء تقيم الموضوع في التعليقات
لو عندك تعديل او معلومه اضافيه اكتبها في التعليقات و هنحاول نضيفها في اقرب وقت
 
قم بتسجيل الدخول لإضافة تعليق

التعليقات (1)

Joakim Liez

This is for testing purpose

قم بتسجيل الدخول لإضافة رد