مميزات وعيوب رينو لوجان و السانديرو و أشهر التقييمات

Last 2 Years Ago

مميزات وعيوب رينو لوجان و السانديرو و أشهر التقييمات

سنتناول ملخص عيوب و مميزات سيارة رينو لوجان و سانديروا نظرا للتشابه الكبير بينهم

:-نبدأ بالمميزات

- ارتفاع السيارة عن الارض بشكل كافي يؤمن احتكاكها من معظم المطبات ان لم يكن كلها ( اللوجن حوالى 14.5 سم والسانديرو14.7 و الاسايب واى 17.4 )

-قطع غيار متوفرة لكن غاليه نوعا ما و لها اكتر من بديل (صيني او تركي)

-وجود مصفحه اسفل الماتور

- بتوفر شنطه واسعة للوجن سعة 510 لتر - للسانديرو 320 لتر

- اعادة بيع جيدة

-مجملا السيارة جيدة وتصلح للاستخدام الشاق مع رفاهيه و راحه متوسطه

العيوب

-الدركسيون تقيل الباور ضعيف بشكل ملحوظ بالمقارنه بالسيارات الكوري واليباني - وان كان بعض الملاك يفضلون ذلك لتعويض مشكلة الثبات

-العفشه ناشفه بدرجة متوسطه

- استهلاك بنزين عالى حوالى 10لتر لكل 100 كيلو و بينخفض على الطرق السريعه ل 7.5 تقريبا

-سحب بطئ خصوصا في بداية الحركة

-ثبات منخفض نظرا للارتفاعها عن الارض لا تصلح للمناورات

-عزل سئ وصوت ماتور مرتفع

-( مروحة التبريد بتفضل شغاله ممكن 5 دقائق او اكتر بعد قفل السيارة ( مش مشكلة لكن بتأثر على عمر المروحه والبطارية على المددي البعيد

- أداء التكيف اعلي من متوسط لكن مش الافضل خصوصا للراكب بالخلف

-الكلاكس في موديلات قبل2016 مكانه في ذراع النور (غير عملي) و بيعطل بعد فتره و يمكن اصلاحه

-أماكن زراير النور غريبه و غير عملية في موديلات ما قبل 2016

ظهور بعض الاعطال بشكل متكرر : (مش بالضروة تظهر كلها لنفس المالك لكنها متكررة بشكل ملحوظ )

- طرمبة البنزين بتعطل احاينا و قرأتها غير دقيقه و حساسه زيادة لو البنزينه مش نضيف (لازم متسنتاش للاخر تجنبا لنفاذ البنزين عيب متكرر بس مش كل السيارات )

- رجوع زيت من الماتور في حالة التاخر في تغير فلتر الهواء وتجمعه في علبة بلاستيك خلف الماتور (لو اتغير في ميعاده مافيش مشكلة)